Wos ois gibt

Do gehst auf a Fei'wehrfest
mia glaubt a Hend'l wa des best,
glei' b'stöht und is glei' a do
und daun g'naht ma hoit de Boana o'.
Owa do gibt's do glei an Krocha
und des Ess'n geht schlechta nocha,
do' i' hob's net glei üwa'riss'n,
i' hob ma ban Biß wos ausbiss'n,
drei Zänt san nimma do',
doch se gengan ma nu goa net o'.
Owa do schau'n mi de Leit so au',
"wos host du ba' den Biß do tau'.
Mei Frau sogt du muast in Spiag'l schau',
dia san'd a poa' Zent' davau',"
si' glaubt i' kau' nix mehr Red'n
und i' sog :"Des weam' ma' schau seg'n.
Do muas i' erscht den Zaunoarzt frog'n,
des muas i' hoit Zu'zlat sog'n"!
Und so hob i' aum Dienstog an Termin,
wos mi' um a Zehne schau treibt hin.
Noch da guat'n Frog,
"Wo i' de föhlad'n Zent' do hob."
Sog i' :"Des woas i' do' nit
auf jed'n Foi de san'd weg i' hob se nit"!
Noch an Obdruck dau'nn,
kau' is aum Freitog wieda haum'.
"I kau'nua in Zaunoarzt daunkschei' sog'n,
i kau mi üwa mein Dokta net beklog'n"!


Hend'l = Grillhuhn
g'naht = nagen
Boana o' = Knochen abnagen
üwarissen = darauf kommen
Biß = Gebiß
Leit so au' = beobachten von Leuten
weam = werden wir
Zu'zlat' = Sprache ohne Zähne
Zehne = 10 Uhr
föhlad'n = fehlende Zähne
Obdruck = Abdruck der Zähne
haum = wieder besitzen

Hans Pichler Hofedl