Weitsichti

Zan Herrn Pfoara z'Pisching kimmt
Sei Nochba auf oan B'suach,
und do bringt a eam zan Les'n
recht a unterhoitsaums Buach.

Da Herr Pfoara wüll's glei auschau'n
und hoit s'Buach weitmächti weg,
do er kaunn's hoi't fost net les'n,
s'geht eam goa net recht van Fleck.

"Nau, mir scheint," moant da Herr Nochba,
"Deine Aug'n sand a schau schlecht!"
"Jo host recht," sogt drauf da Pfoarra,
"Hiatzt wern d'Aug'nglässer recht!"

"Na,na", moat' d'Köchin, dö grod au'richt,
und wischt d'Händ a in ihr'n Schua'tz,
"Sehg'n tat a nu gaunz prächti,
owa d'Händ san hoit schau z'kurz!"

Hans Pichler Hofedl