Wüdschütz

Es gibt hoit nix schenas,
wia drob'n auf da Heh',
aum hoamlich'n Pirschgaung
auf Gams und auf d'Reh.

Do lustiga is's, waunn
de Kuglbix knollt
und drauf oft a Kapitala=
Vierzahnenda foi't .

Dawischt mi da Jaga
und sperr's mi daun ei,
z'weg'n den los i do da' no'h
s'Wüdan net sei'.

I hau' hoit a Schneid und
an Muat in da Brust,
mei Bixerl is s'Liabste,
mei Freid' und mei Lust.

Und waunn's a moi sei muaß
so sei's in Gottsnaum,
do foil i hoit oft g'stott
an Hiaschal wo z'saumm.

S'Oimresal bliaht jo
desweg'n so schei rot,
weil's van an Wilschützherz
d'Foab gnumma hot.

Hans Pichler Hofedl

Aus Salzburger Nockerl von Otto Pflanzl geb 27 Aug, 1865 Urfahr