Vom Leichenwagen

St Oswald hot an Leich'nwog'n kriagt,
ba grosse Entfernungen is guat waun's d'Rössa ziagt.
So hot se's zuatrog'n ban Haumabau'n
und es' werd'ses net glaub'n.
De Rössa ziag'n ban Leich'nwog'n net au',
da Kutscha is' vazweifelt schau',
do sogt a ö'terer Bauer za eam:
"Du muast aufsitz'n daun wird's wear'n,
weu de Ross gengan mit an Tot'n net alloa,
waunst o'm sitzt daun wean ses toa!"
Und kam sitzt a daun drom',
braucht a goa nix mehr sog'n.
De Rössa gengan va eam selb'm
und bleibm erscht ban Kreizstöck'l in Oswoid steh'n.
Do siacht ma' das Ross mit an Tot'n net geh tua',
beim Leichenwog'n gibt's ohne Kutscher keine Fuhr.
Des zuatrog'n hot se' zua oana Zeit sodaun,
ois ma de Aungehörig'n nu Aufbahr't hot dahoam.
Es is' net ollas olte überholt,
so maunches güt nu immer und mia kau's glauben es is' toll.
Da zählt wurde des van Lepold'n Hauns seiner Zeit
und les'n kau' mas nu oiweu hiatzt und heit!


öterer Bauer = Älterer Bauer
daun wird's werd'n = nachher wird es werden
zuatrog' = zugetragen
eam = ihm
alloa = alleine
toa = tun
kam = kaum
dro'm = droben
sogen = sagen
erscht = erst

Hans Pichler Hofedl