Viar'l!

Wos is' "Viar'l üwa",
do is' a Viar'l Stund drüwa.
A Viar'l vor,
do is' de Stund dreiviert'l goa.
Wos is' dreiviert'l und
des san' dreiviertl Stund.
Da Weana sogt "A Viert'l noch",
ba uns sogt ma glei "Wos?".
Owa oft do geht's durchanaund
und mia kimmt mit da Zeit net z'aum,
da oane moat a Viert'l davoa',
ba den aund'an wiad de Stund schau goa'.
Sogt ma's noch da Schreibe
hea't ma des gaunz leise,
do hoast's 12 Uhr 15 daun
do kimmt ma' a schlecht zaum,
mia vasteht do net ois
mit 12 Uhr 45 do is' oin'fois,
weu ma' de letzte Sü'bn do schlecht hear'n tuat',
des is jo do goa net guat.
Drum bleib' ma' da Mundoart treu,
do vasteht ma' olle und woas ois glei'!

Hans Pichler Hofedl