Trautes Heim

"Na," sogt da Herr Pforra,
"des is wos mit dir,
du kimmst ma fost grod
wia'r a Bodschwaumma fia'r!

All Tog host a Reisch'l,
des geht nimma laung,
is da denn net um
dei G'sundheit schau baung.

Dastick do des Loster,
hiatzt geht's nu , im Keim.
Schau host a brav's Weiberl,
ein rechtn trautes Heim!"

"Hiatzt haum 's es da'rot'n,"
schreit da Sepp auf de Red',
"Do hot's eb'n a Hagerl,
Hoam trau i mi net!"

Hans Pichler Hofedl