Tümpfi

A Tümpfi', wos is' des heit?
De Bezeichnung, de is' schau' weit,
dort und do hot 's a Runs'n geb'n,
wo a Tümpfi' do is' g'wes'n.
Zwoa Meta' laung und oan Meta' broat,
um den Grund woa' friaha' goa' neam'd load.
Oft is' a Schlaunga d'rin g'wes'n
und hie und do woa' 's a Staundforell'n.
Wia 's daun g'wes'n is' oi's maschinöl,
woa' des zan ausmah'n a' a so a Stöll.
A jede Auskehr hot daun g'irrt,
ollas eh'm g'mocht wird.
Jeda Roa' wia'd nieda'g'stroaft,
dass ma hot a schei's laung's Oad.
So hau'm mia Kinda' ollas megliche va'bot'n 'kriagt,
und koana' hot schau' g'wisst, dass des mehra' eh'm g'mocht wia'd!

Zusatzinfos

• Tümpfi' = Tümpel, Tumpf, Kolk (tiefere Wasserstelle an Bächen und Rinnsalen)
• wos is' des = was ist das
• heit' = heute, jetzt
• schau' weit = schon lange her
• Runs'n = Runse, Rinnsal
• friaha' = früher eher
• goa' neam'd load = gar niemand leid, gar keiner hat etwas vermisst
• Staundforell'n = dunkle Forelle, die in Tümpfen heimisch war
• maschinöl = maschinell
• ausmah'n = ausmähen
• Stöll = Stelle
• Auskehr = Rinnsal zum Ableiten des Wassers aus einem Weg zur Verringerung der Erosion
• e'm = eben
• Roa' = Rain, Ackerböschung
• nieda'g'stroaft = flachgestrichen, abgetragen
• laung's Oad = langes Feld [Acker]

Quellen

Hans Pichler, Hofedl