St Oswoid

Oswoi'd is' a schene Geg'nd,
a wen'g rauh' owa', hoch is' g'leg'n.
Ba an schen' Wetta' a Aussicht wunda'boa',
siagst d' de Oi'p'n va' do aus goa'.
In Ötscha' host do voa' deina',
bis zan Traunstoa' siagst d', dea' locht do 'eina.
Drahst d' de' noch rechts danoch,
siagst d' in Peilstoa' a' gaunz noh'.
Schaust d' nu' a wen'g umi zua,
siagst d' do de Mayer-Ruah'.
Da Stockberg is' daneb'n,
wo davoa' da Wock'lstoan, den kau'st goa' heb'n.
Hinta'bei in da Los'negg auf da Heh',
do is' da Stoa'kroas mit 'n Herzstoa', kau'st 'n seg'n.
De Liebesmühl' in da Los'negg,
de is' do a' net weit weg.
Gehst d' owa' du va' do desnächst,
do host d' in Weg mit Anti-Stress.
Gebetleit'n in da Friah, do host d' as glei',
de scheine Kia'cha', is' in Hl. Oswoi'd g'weicht.
Jo wos gibt 's nu' uma'dum,
mitt'n in Ort da' schene Brunn'.
An schen' Urlaub, schene geruahsaume Tog',
des wünsch' eng i', is' goa' koa' Frog'!

Hans Pichler Hofedl