So wos is z'wida

Neuli is a Kapuzina,
Z'weg'n da Gicht beerdigt woan,
trotz de Dokta und en Daumpfbod
hot a do sei Leb'n valorn.

A etla Koart'n za an Daumpfbod
haum's nu g'fund'n in da Zell'n,
de hot glei a Aund'rer gnumma,
den hoit a de Gicht tuat Quäln.

Der is drauf in's Kurhaus gaunga
ziagt sein Habit g'müatli aus,
hängt a Füaterl oft um d'Mitt'n,
und geht's bod'n au in oan Saus.

Do kam'das a drinn in Bod woar
gibt's eam glei an orndlig'n Riß,
und rennt z'ruck oft in sei Kammerl,
weu grod Damenstund g'wen is!

Hans Pichler Hofedl