Selbstgeher Pfluag

Es hot ses oana g'richt ban Pfluag,
das a söwa do geht in da Fuah.
In jed'n Oa't hot a an Kruag fian Durscht,
dau is eam's Ockarn schau wurscht.
und das a de Neuigkeit'n a erfoahrt,
hot a in Bau'nbund dea eam de Viechpreis zoagt.
So geht des schei daunn,
do setzt in Oat den Pfluag glei au'.
A moi trinka des muas sei'
aum oat, van Kruag auziag'n des is schei',
jo waun da Most is süffi und guat,
drum zaht a moi au' van Kruag
und mit da Zeitung in de Händ,
geht's zan aundan Ocka End.
Zerscht umkehrt den Pfluag daun glei'
und mia setzt den Pfluag wieda ei'.
Oamoi auzaht schnö van Kruag,
wauns jo oandli' tiascht'n tuat.
So is da Bau mit eam recht z'fried',
wei de Ox'n gengan schei dahi'.
Fuah um Fuah und Kruag um Kruag,
waun de Bäurin an Most nochi bringa tuat.
Und mit da Zeit is dea aum Roah
und Most und Zeitung is a' goa.
Aum Sunntog noch da Kiacha haum's g'redt,
wias Ockar'n und Zeitung lesen mitanaunda geht!

Fua = Furche
Baunbund = Bauernbund Zeitung
Aum Oat = Am Ende
umkehrt = gewendet
tiascht'n = Durst

Hans Pichler Hofedl