Schuastakug'l

A so a Schuasta hot's net leicht
do hot a se g'hoifa das eam d'Schuastakug'l g'leicht.
Er füllta Glos'kug'l mit Wossa au'
do siacht a daunn vü bessa schau,
hot a a so a Funz'l drunta stei'
und das Liacht leicht' a vüfoch's schei'.
So hot da Schuasta de gaunze Zeit,
scheine Sochan g'mocht , des is' a Freid.
Stüfi, Bergschuach und Hoibschuah daunn'
und fia d'Weiberleit wos a'nu kau'.
Feine Naht rund uma dum hot a zuwi g'naht',
mit an Schuastazwirn dea aum best'n hoit'n daht'!
Daun de Doppla und a neiche Sohl'n
und wia neich, kau'st da d'Schuach daun wieda hoi'n!


Funzl = schlechtes Licht
g'hoifa = geholfen
Schuastakug'l = Glaskugel mit Wasser gefüllt
                             vom Schuster als Sehhilfe verwendet
Feine Naht = eine feine Naht
vüfochs = vielfach
Schuastazwirn = Garn mit Pech präpariert
Doppla = Sohle Aufdoppeln

Hans Pichler Hofedl