Schomblatt'l
Zur Navigation springen
Zur Suche springen
An Nud'ltoag muass ma mit Wossa' mocha',
ausg'woi'kt und in da' Reah'n ba 200 Grad au'bocha'.
Friaha' hot ma de in Winta' oft g'mocht,
dass ma s', waun vü' Oa'wat woa', schau' hot g'hobt.
Mia hot de Schomblatt'l daun 'brocha',
fünf moi' fünf woa'n de Breck'l nocha'
und hot, 'boi' ma s' braucht hot daun,
in Soi'zwossa' 10 Minut'n kocha' tau',
hot s' daun g'schwenkt in schweinan' Schmoi'z
und g'stockt mit a poa Oa', dass 's a' au'hoi't'.
So woa' in a' Viert'l Stund' a guat's Ess'n banaund',
und ba da Oa'wat woa' ma wieda' z'saum'.
Mit an grean' Solot dazua
hot ma za Ess'n grod g'mua'!
Zusatzinfos
- Schomblattl = aus Teig gebackene Fladen, wurde früher auf Vorrat gebacken (in Nordbayern Schornblattl genannt)
- ausg'woi'kt = mit dem Nudelwalker fein gewalkt
- Reah'n = Ofenrohr
- Oa'wat = Arbeit
- 'boi' = sobald
- Schmoi'z = Schmalz
- g'stockt mit Oa' = mit darübergeschlagenen Eiern stocken lassen
- 's a' au'hoi't' = "es auch anhält", es auch sättigt
- g'mua' = genug
Quellen
- von Anna Reutner, Bäurin in Vorderleit'n, Yspertal
- Aufgeschrieben Hans Pichler, Hofedl
- Bayrischer Rundfunk, 23. September 2016: Unbekannte Spezialität - Kennen Sie "Schornbladl"?