S'kurze Rößl

Da Summ'eda Mich'l
hot ei'rucka miaß'n,
do za de Dragona',
weu ea schwoch woa auf de Füaß'n.

Auf da Reitschui, Höll sakra,
do geht's eam hoit schlecht
das ma eam, waunn ma zuaschaut,
Dar'boama oan jo mecht!

Aum Roß o'mand rutscht a
boid hin und boid her,
und schupft'n umanaund
daun Kreuz und da Quer.

Und wia'r a amoi gaunz
ban Schwoaferl hint woa',
schreit a "Aushoit'n Herr Wochtmoasta!
s'Rößerl wird schau boid goa'r!"

Hans Pichler Hofedl