Rechtschreib'n

Da Bua sogt za sein Vota,
weu, mit'n Rechtschreib'n, a Problem hot a'.
Wos schreibt ma groß und wos kloa,
des san oft a hoate Boa'.
Da Vota sogt:" Des is' gaunz oafoch kloa'r:
Ois wos't net au'greiffa kau'st schreibst kloa
und wost nehma kaust, des schreibt ma groß.
owa ba so maunch'n Sotz do hot's oft wos.
Nimmt ma owa zan Beispü' den Sotz her!
Die Katze sitzt hintern Ofen.
"Die kaunst net nehma, oiso kloa,
Katze kaust nehma, oiso groß des is e' kloar'.
Sitzt kau'st net augreifa schreubt ma's jo kloa do,
Hintern kau'st wieder augreifa do bleibt's groß
und ban Ofa, do muast schau' is' a g'hoatzt,
do schreibst das kloa' weu de des au'greifa jo roatzt.
Owa mia schreibt's jo hi' und do a groß,
waun koa Fei' drin is', kaust'n a au'greifa mit de Händ' blos"!

Hans Pichler Hofedl