Oawatslos friaha

Oawatslos wias Friaha woa ,
des kennt kaoana meah' goa .
Wanns in Herbst koit woa' sodaun,
do woa de Oawatslos'n draun ,
zwoa moi in da Wocha Stömpen gei,
des woa sicha net recht schei .
Va Dorfstett'n und Oswoid ba jed'n Wetta ,
noch Oit'nmoarkt do muas Z'fuas a jeda .
Des Gö'd woa net recht vü wos haum kriagt
und es woa z'weng waun koa Sau und Goas g'fuarat wiad .
So mauncha hot koan Schülling hoam brocht ,
weu's in Wirtshaus woan de hoiwe Nocht .
Waun de Frau do net woa recht kluag ,
kemman de Famülien gaunz schlecht fuat .
Bei da Oawatslos'n waun's laung hot dau't ,
do woa da Notstaund boid zaum braut .
Mit den letzt'n Gö'd sans daun in d'Oawat g'foah'n ,
do woa so maunche Oawatafamülie gaunz oarm .
Des Stömpen gei sand olle z'Fuas nu gaunga
um de guate oite Zeit braucht koan do plaunga .
Wo hiatzt boid a jeda Jammern tuat
owa leichta bringt se hiatzt a jeda fuat !

Oawatslos = Arbeitslos unter 50 %
Friaha = Früher
koana goa = überhaupt keiner
Stömpen = Stempeln das man die Arbeitslose bekommen hat
kluag = sparsam
Oawat g'foah'n = Wien ,Linz , St Pölten
brigt se fuat = Auskommen mit dem Geld