Oawatslos friaha

Oa'watslos, wia 's friaha' woa',
des kennt koana' meah' goa'.
Wann 's in Herbst koi't woa' sodaun,
do woa' de Oa'watslos'n draun.
Zwoa Moi' in da Wocha Stömpe'n geih',
des woa' sicha' net recht schei'.
Va' Dorfstett'n und Oswoi'd ba jed'n Wetta'
noch Oi't'nmoarkt, do muass z' Fuaß a jeda'.
Des Gö'd woa' net recht vü', wos s' hau'm g'kriagt,
und es woa' z' wen'g, waun koa' Sau und Goaß g'fuarat wia'd.
So mauncha' hot koan' Schülling hoam'brocht,
weu' s' in Wirtshaus woa'n de hoi'we Nocht.
Waun de Frau do net woa' recht kluag,
kemman de Famülien gaunz schlecht fua't.
Bei da Oa'watslos'n, waun s' laung hot dau't,
do woa' da Notstaund boi'd z'saum'braut.
Mit den letzt'n Gö'd san' s' daun in d' Oa'wat g'foah'n,
do woa' so maunche Oa'watafamülie gaunz oarm.
Des Stömpe'n geih' sand olle z' Fuaß nu' g'gaunga' -
um de "guate oi'te Zeit" braucht koan' do plaunga'.
Wo hiatzt boi'd a jeda' Jammern tuat,
owa' leichta' bringt se' hiatzt a jeda' fua't!

Zusatzinfos

• oa'watslos = arbeitslos unter 50 %
• friaha = früher
• koana' goa' = überhaupt keiner, gar keiner
• stömpe'n = stempeln, damit man die Arbeitslose bekommen hat
• kluag = sparsam
• Oa'wat g'foah'n = hier: nach Wien, Linz, St. Pölten
• bringt se fua't = auskommen mit dem Geld

Quellen

Hans Pichler, Hofedl