Neidige Bas

Da Pfarra hot an Knopf valor'n
van neich'n Üwarog;
"Des Knopf aunahn, da Zwirn is schlecht,
des is a rechte Plog!"

So sogt de Pfarrhof-Lis' de sitzt
ban Goart'nzaun in Groß,
Neb'n ihr an groß'n Korb voi Knöpf,
do kimmt vorbei d'Frau Bas.

A reiche Bäurin is wiadawö,
wauns net so dahungat wa',
de treubt a Laus noch Mariazö'
waun's des nua geb'n tat'.

"Host du vül Knöpf", so sogt za da Lis
und oana is dabei
van Bau'n sein oit'n Winterrock,
schau der,i kenn a glei."

"Willst wiss'n," frogt d'Lisl d'rauf, "woher
der Knopf van Maunn sein Rog'?
Da Mesna hot'n g'fund'n heit
ois Geld in Opferstock."

D'Frau Bas wird rot in gaunz'n G'sicht,
"Muas hoam," sogt's "zu mein Mau'."
"Zeit laß'n," schreit ihr d'Lisl noch,-
D'Frau Bas is schnö' davau'.

Hans Pichler Hofedl