Mitt'l gegen D'Floig'n

In d'Oaschicht kimmt a Mau' in Schuart's,
do frogt dea fremda Mau',
ea hätt' fia Ollas recht wos Guats
ob's denn nix braucha kau'?

"Na", sogt's drauf,"i brauch grod nix,
do oas des mecht i so gern,
a Mitt'l, das de luadan Floig'n
a biß'l weniga wern!"

"Jo" moant do drauf da fremde Mau',
"Do woas i glei an Rot,
das D'Floig'n in etla Tog sand hi'
und oillsaund Mäuserltod!"

"Jo, hörst," sogt d'Oaschichtbäu'rin,
" do war i wirkli froh,
i zoih' da gern an etla Schülling
geh' bitt' di, sog mas do'!"

"Gaunz oafoch, moant da fremde Mau,
"geh', los dei zoih'n nua bleib'n,
du muast de gaunz'n Floig'n oillsaund
aum Heibod'n auffi treib'n.

Waun's ob'n sand zoigst ea d'Loatern weg,
oft kinnans nimma z'ruck,
wiast sehg'n in etla Tagerl drauf
Liegn's oillsaund aum Bug'l auf da Bruck!"
 

Hans Pichler Hofedl