Kloane Yschpa und seine Bachl

Aus Landschaftsgeschichten
Zur Navigation springen Zur Suche springen

Schlesingerboch owa' 'n Schlesingerteich entspringt,
van Schwemmteich in 'n Schwemmkanal weiterrinnt,
so geht 's üwa' 'n Pfaffenstegteich
und üwa' 'n Angerboch daun gleich.
Za da' Natterbich'l-Sog zur Salchebner-Sog' und -Mühl',
so geht 's daun weita' za da' Hintermühl',
do kimmt des Brandbachl dazua,
mit da Holzsog' und da Hausersog' - geb'n laung koa' Ruah'.
So is' ma hiatzt in Kloan' Yschpa'toi',
va' Dorfmühl' und -sog' geht 's zan Dorfschmied auf jeden Foi'.
De Orthlehnersog' in Oberösterreich woar,
Hofersog' und Hanefsamsog' is in Niederösterreich, is' eh kloar.
Kimmt ma hiatzt za da Wosserkroftaunlog'
so geht's dahi' Sog' um Sog'.
Hiatzt kimmt des Firling-Bachl daher,
da Zeislinger Schmiedhaummer, do wird des Wosser mehr.
Mia is' hiatzt in da Rothenau,
und wieder woa' Sog' und Mühlrad'l drau'.
Koi't'nbergsog' un Zeitlhofersog', kimmt ma in de Gausch'lmühl,
Leitgeblehnersog' und Dachslschmied,
a' da Haummer gibt schau' laung an Fried'.
De Fesslmühl' auf da' Woi'dhauserseit'n,
de Hametnersog' neb'n da' hoch'n Leit'n,
geht 's za da Höllmühl, wos friaha' Möh' und Brett'l brocht,
hot daun laung des Wirtshaus g'mocht.
Pichlhof- [Bühhof-] Sog za da Wegbau'nsog',
geht 's auf Dreimüh'n, a' guate Schmied'n, goa' koa' Frog'.
In da Geimühl und Niederndorfer Sog'
kimmt ma boi'd zan Gleis'nboch.
Dort woa de Pritz'n-Sog - is' guat g'rennt
und rundum hot 'n a jeda' 'kennt.
So mocht de Kloane Yschpa' de Große Yschpa' voll,
dass ma in a so a schen' Geg'nd leben derfan, des is' toll!

Quellen

Abgerufen von „http://landschaftsgeschichten.naturvermittlung.at/index.php?title=Kloane_Yschpa_und_seine_Bachl&oldid=5648“