Hozatloda

D' Braut und da Bräutigam,
va de unt'n steht da Naum',
Lod'nan eng herzlichst ei,
es mecht's so freindli sei,
und za ea keima g'wiß,
waun eana Ehr'ntog is'!

Merkt's eng in Tog recht guat,
das koana ausbleib'n tuat,
weu a so a Hochzeitsfest
is nu nia so g'west.
O'g'hoit'n wiad's in Loaboch draust
wo da Huawa lebt und haust.

Den zoagts es "'s Mittoa" au,
das sa ses a richt'n kau';
S'Moih' kost zehn Schülling nuar,
drum Leitl'n schaut's dazua,
Oisdaun in Vortog hoit,
waunn Peter und Pauli foi't.

Geht um a Zehne schau'
de Trauung oft au',
g'holtn wird's im alt'n Stil,
desweg'n Leit, kemt's recht viel.

Zoigt's au de oite Trocht,
das ma a sehgn't de Procht,
wia's wor'n de "Oit'n" g'wauhnt,
's is jo fia koan a Schaund
bsundas a Ehr fia g'wiß
waun ma "oit" aug'legt is,
drum nemts de Lodung au',
stellt's engan Maunn.




Lod'nan = Einladen
g'wiß = Gewiß
O'g'hoit'n = Abgehalten
s' Mittoa = Mitmachen
richt'n = das er genug zum Essen hat
S'Moih = das Mahl[Mahlzeit]
oisdaun = also
Zoigt's = Ankleiden
Oit'n g'wauhnt= das Alte gewöhnt

Hans Pichler Hofedl