Heißes Gras

A amerikanischa Soidot,
dea hot in unsan Hoamatlaund sei' Not,
ba da Übung daun aum Fö'd,
wo 's koa' Heis'l gem' tuat net.

Do faungt 's au' in sein Mog'n
teuflisch au' zan grob'n,
und des is' goa' net schei',
ea muass aum schnö'st'n Weg aufs Heis'l gei'.

So greut ea' owi üwa d' Leit'n
und tuat se' daun schnö' entkleid'n.
Wia eam daun leichta' woa',
koa' Papier nindascht do woa'.

Ea' hot ums Nexte g'lengt,
des woa'n Brennnessl - de haum 'brennt!
Za sein' Spezi sogt a daun gaunz bloss:
"In Austria wächst heißes Gros!"

Quellen

Gedicht von Leopold Hackl Reitzendorf, Martinsberg

Aufgeschrieben Hans Pichler, Hofedl