Has und Eisenbahn

Da Jaga Franz, des is wohl kloar,
Redt irgend ebbas, wos net woahr,
denn waun a Jaga net aufschnei'n kaun,
hot sein Beruf vafehlt da Maunn.
Wos oba heit da Fraunz vazöhlt',
is g'wis und woahr, heit liagt a net.
I geh durchs Feld mit meina Büx,
dazehlt da Fraunz, neb'n mir da Lix,
Auf oamoi rührt se wos in Groß',
i schau, do mocht an Sotz a Hos'.
I schiaß und feuhln, sapradie,
daweu ischias, is a dahi.
da Lixl jogt'n bis za da Bauhn',
Bis das des Haserl nimma kaun',
auf oamoi, wias oft sei will schnö',
do pfeift's, es kimmt da Zug aus'n Tunnö',
da Zug dahea und wos is dos?
In seiner Aungst, do springt der Hos'
auf's Trittbrett auf und foahrt davau'!
Mei Lixl, der nimma noche kau',
den zoagt da Hos de launge Nos'n
und do redt ma nu vo' den dumma Hos'n!

Hans Pichler Hofedl