Goasbua

Bin a gaunz a kloas Mandl,
auf und auf net vü' drau',
do in Herz und in Gmüat,
kau ma net leicht wea au'.

Denn jung is mei Leb'n
und schei rot is mei Bluat,
muas schau wos B'sunders sei,
waunn's ma so g'foll'n tuat.

Hob i glei koane Wadl,
koa G'stöll net dazua,
so bin i jo do gaunz
a kernfrischa Bua.

A Hiatl recht luckad,
koan Furm und koa Foa'b,
a Pfoad kloa daflickt
ah Hösa'l gaunz moa'b.

So bin i Joah' ei und
Joah' aus hoit banaund
koa Schuahwerk, koa Göld'l
koa Uhr und koa G'waund.

Desweg'n bin i do oil'
weu lusti, fidö',
und sing wia'r a Lerchal,
so munter und hö'l.

I bin hoit und bleub hoit
a Goasbua oil'zeit,
weu mi des s'Almaleb'n
goa a so g'freit.

Hans Pichler Hofedl

Aus Salzburger Nockerl von Otto Pflanzl Geb.27. Aug.1865 Urfahr