Geheimnisvoller Ostrong

Waun d' Woidhäusla' foa't gengan,
do nehman s' an Fau,
waun d' Dorfstetta kemman,
so rennan s' davau'.

De Ostronga' Mentscha' san de schena'n va' oll'n,
hiatzt is' eah' de schena' in d' Mistlocka' g'folln.

In Pöggstoi' hau'm s' g'schoss'n,
in Würnsdorf hot 's 'krocht,
da Schneida' va' Loa'boch
hot an Purz'lbam g'mocht.

Do unt'n beim Boch
steht a Haus ohne Doch,
In den Haus is' neam'd drei',
geht da Fux aus und ei'.

Dort unten beim Grob'n
steht a dürra Ahorn,
da hat der olt' Teufi'
den junga' derschlog'n.

A lustiga' Bua'
braucht oft a Poar Schuah',
a trauriga' Noa'
hot goa' laung au' oa Poa'.

Quellen

Adelbert Muhr (1896-1977), St. Pöltner Zeitungs-Verlag 1942

Nacherzählt von Hans Pichler, Hofedl