Frumme Bäu'rin
Zur Navigation springen
Zur Suche springen
Da Pfarrer Z'Saunkt Peda
geht a wengerl spazieren,
do tuat da Weg grod
zan Kea'bauer'n führ'n,
Und weu a hoit bet'n hea't
drinn in da Stub'n,
schaut a se dest'weg'n
a weng umadum.
Do siacht a oft d'Bäurin
bein Herd hi'bei steh',
und bet'n tuats wia'r,
in da Kiacha so scheh'n.
"Brav, brav," sogt a "Bäurin,
s'ist sehr schön von dir,
Bet'n ban koch'n,
des lob' ich mir!"
Do lochts recht und moant drauf:
"A "Vater unser!" woar's nur,
weu' i für'n Maun
woache Eier siad'n tua !"
Hans Pichler Hofedl