Einehma

A Frau kriagt van Dokta Zäpfchen va'schrieb'n,
do geht da Mau' za da Apotheck'n hi'n,
wiara va dort Hoam kimmt
frogt a sei' Frau wia ma de nimmt.
"Na des woas i net" sogt d'Frau,
"ruafst in Dokta hoit au'"!
Da Mau' ruaft au und frogt noch,
T'schuidign's Herr Dokta, wia nimmt ma de Zapfal do.
"Rektal" sogt da Dokta is do kloar",
der Mau' legt auf und sogt seiner Frau wias woa'.
"Rektal!" frogt de Frau ihr'n Mau' gaunz nett:
"Woast du denn wos des is? I woas net!"
"Na des hob i a nu nia g'hört",
und mia hot in Mau' schau wieda red'n g'heart.
" Bittschön Herr Dokta ,se haum g'sogt Rektal,
i kenn des net, hob's nu nia g'heart auf goa koan Fall".
Der Oarzt erklärt "rektal is' des gleiche wia anal!"
Und wieda legt da Mau' den Hörer auf so bald.
"Und wos is jetzt? Frogt sei Frau
"Rektal is des gleiche wia anal, nau?"
"Wos is den jetzt des?" "I kau's net sog'n,
do muas i erscht den Dokta frog'n"!
Oi'so probiert as a drittes mal,
"Herr Dokta wos is den anal?"
Da Dokta sogt " so loss'ns ses sein
und schiams des Zapferl in Hintern rein!"
De Frau de is' do Neugierig woan
und ea hot g'sogt" I moa da Dokta hot an Zorn!
Ea sogt so schiams ihna de Zapfal hint'n ei'
vielleicht tuat des eh' des richtige sei"!

Hans Pichler Hofedl