Eine Reise mecht i mocha!: Unterschied zwischen den Versionen
K |
|||
Zeile 21: | Zeile 21: | ||
der Befehl: Mia' steig'n aus! | der Befehl: Mia' steig'n aus! | ||
Reg'nschirm, Huat und Kamera, | Reg'nschirm, Huat und Kamera, | ||
− | und scho' san' olle Plotz schau | + | und scho' san' olle Plotz' schau' laa'. |
Weu' fia' de Sehenswürdigkeit | Weu' fia' de Sehenswürdigkeit | ||
is grad a hoi'we Stund' nua' Zeit, | is grad a hoi'we Stund' nua' Zeit, | ||
du deafst di' nindascht wo va'schau'n, | du deafst di' nindascht wo va'schau'n, | ||
− | sunst foah't da' da | + | sunst foah't da' da Bus a' schau' davaun. |
− | Ea' bleubt nömli' nu' zehn | + | Ea' bleubt nömli' nu' zehn Moi' stehn, |
Ba Königsschlessa' und Museen, | Ba Königsschlessa' und Museen, | ||
− | Ba Bischofsgruft'n, | + | Ba Bischofsgruft'n, wunda'schen, |
Aussichtstürm und Woidkapell'n. | Aussichtstürm und Woidkapell'n. | ||
A ba jeda' Woifoahrtkiacha, | A ba jeda' Woifoahrtkiacha, |
Aktuelle Version vom 16. September 2021, 17:14 Uhr
Waun ma van Fliag'n hot a Aungst,
owa' des eig'na Auta gean vaschonst,
daun kimmt ma' za den Entschluss,
ma mocht a Foah't mit'n Autobus.
Wea' de Oa't va' Reis'n kennt,
dea' woaß: do bist d' in guate Händ'.
Kam losst de' nieda auf die Sitz',
dazöht da Foahra schau' an' Witz.
Sogt, wia ma de Loa' dauna kriagt
und wos ma oi's zan Tringa kriagt.
Eah' gibt nu' Aunleitungan fia's Klo,
und schau' hea't ma in Radio,
de original Kreuzfidel'n,
de ba koan' Ausflug föhl'n.
Hiatzt bist komplett im Reiseglück
und genießt den Panoramablick,
kunnst a wenig noch hint'n rutsch'n
und des erschte Zuckerl lutsch'n.
Daun kimmt scho' aus dem Führerhaus,
der Befehl: Mia' steig'n aus!
Reg'nschirm, Huat und Kamera,
und scho' san' olle Plotz' schau' laa'.
Weu' fia' de Sehenswürdigkeit
is grad a hoi'we Stund' nua' Zeit,
du deafst di' nindascht wo va'schau'n,
sunst foah't da' da Bus a' schau' davaun.
Ea' bleubt nömli' nu' zehn Moi' stehn,
Ba Königsschlessa' und Museen,
Ba Bischofsgruft'n, wunda'schen,
Aussichtstürm und Woidkapell'n.
A ba jeda' Woifoahrtkiacha,
kau'st so maunche kam nu' riacha',
steht g'wiss nu' wo a Burgruin',
und des is oi's a nu' in Foah'preis d'rinn.
Wea' ollas g'seg'n hot ne'm da Stroß',
der mocht a Foahrt üwan Oi'penposs.
Do host d' wos va a soichan Tour,
außa' do mogst de Aug'n zua,
waun des Foahrg'stö' üwan Obgrund hängt,
weu' da Foahra in de Kuav'n lenkt.
Und fia' so an Foi' steht, Gott sei Daunk,
a Küwi' auf 'n Mitt'lgaung.
D'rum hoaßt 's a' Luxusreis'n,
wia soi'chane Leistungen beweis'n.
A so a Bus, dea' hot an Sinn,
waun i' oan' siach, do huck' i' scho' drinn,
i' kunnt' mitfoah'n Tog und Nocht,
d'rum hau'm ma neuli' goa' a' so g'locht,
wia i' ins eig'ne Kroftfoah'zeig,
mit'n Jaus'nsackl hint' ei'steig.
I nimm mein Huat, des is koa' Schmäh,
fia' 'n Foahra Trinkgö'd saumme'n geh,
Mei' Huat bleubt söbstvaständli' la',
weu i' jo sö'wa a' dabei g'west wa'!
Quellen
Gesammelt von Leopold Hackl, Reitzendorf, Martinsberg
Aufgeschrieben von Hans Pichler, Hofedl