Distl'n
Zur Navigation springen
Zur Suche springen
A schlechte Erinnerung woa', waun ma Dist'ln heart,
und laung hau'm s' g'hobt an Fuata'wert,
mia hot s' oa'foch aum Ocka' ausg'stocha'
und hot s' g'numma' zan Saufuata'-Mocha'.
Oi's Unkraut hot ma s' a' laung 'kennt
und hot s' trotzdem oi's Fuata'mitt'l a' g'nennt.
Vor 2000 Joah'n hot ma s' in da Bib'l schau' g'nennt
und hot s' ba de Leit' schau' 'kennt.
Do hot ma de Dist'ln schau' zan Schlecht'n 'zählt,
und des auf unserer Wölt.
Inzwisch'n is' oi's aunda'scht 'woar'n,
und mia hot s' schau' in Blumengoa't'n.
Hiatzt kimmt oan des oi's aunda'scht fia',
des mochan de vül'n schen' Blia',
im Goa't'n g'foi't s' an jed'n grod,
a' waun a jede Dist'l Stoch'ln hot!
Zusatzinfos
- Dist'ln = Die Distel
- Fuata'wert = Futterwert
- Ocka' = Acker
- aundasch't = anders
- Blia' = Blüten
Quellen
Hans Pichler, Hofedl