Da Hau und sei Tod

G´schichtl

Es woa a Zweag'lhau,
dea woa do üwaroi drau,
so hot a mia de Hea va'zaht,
des hob eam i hoit net ausdraht.
I hob eam g'schimpft, "do geh hea",
owa in d'Luft is g'flog'n dea
und drüwa üwan Zau'
so is a g'flog'n, da Hau,
er is g'flog'n Richtung Boch,
fost so hoch wia des Hausdoch,
do geh i glei schau,
wo a is hi, da Hau.
I suach daun a weu noch,
entlaung van Yschpaboch
und i schau wo a sunst nu wa,
oda kunnt sei do a,
g'suacht hob i a gaunze Wocha,
g'fund'n hob in in hoch'n Gros daun nocha.
der Hau, der woa a Zier,
owa aufg'lost hot a nia,
er hot g'hobt sei eig'nes Liebesleb'n,
so wia des letzte moi mit'n Herzschlog eb'n!

Zusatz-Info

Hau = Hahn

Zweag'lhau = Zwerghahn

Hea = Hühner

Do geh hea = herkommen

Zau = Gartenzaun

Quelle

Original von Hans Pichler, Yspertal