Dö schlagadö Nachtigall

Ban Staumtisch drent ban goldan Hirsch
is heut va de Veg'l d'Red,
" I hob dahoam a Nochtigoi,
a Zweite find ma net.

Koa Nochtigoi' kau schlog'n so guat,"
so prohlt da Simmerl heit,
"A so a schlogade Nochtigoi
is woi' a Sölt'n heit."

" de mecht i her'n," sei Nochboa sogt,
"Na geh mit mir nur glei
unher da au mei Nochtigoi,
de g'foit da , meina Treu"

Se gengan hoam und vor da Tür,
" Do woa't ", da Simmerl sogt,
" und los guat auf, wia sias und fei
mei' Nochtigoi hiatzt schlogt".

Auf oamoi klescht's drin, patsch und patsch:
"Du Lump, bist b'soff'n g'wis!"-
"Ah so, de schlogade Nochtigoi
in Simmerl sei Altö is!"

Da Nochba' ruaft's und rennt davau:
"Ei'gaunga bi' i heit.
Jo so a schlogade Nochtigoi
is wirkli' a Selt'nheit!"

Hans Pichler Hofedl