Bierflosch'n

Da Huawa und da Kraumma zwoa Sauf'briada',
treffan se noch launga Zeit amoi wieda'
Da Huawa mit Krog'n und Schlips,
steigt aus'n Ferrarie ohne Schwips,
und ea' dazöht do so glei'
"Den Ferrarie den hob i' Neu',
i hob hoart g'oawat und hob g'schofft
und hob's a za' ana Villa brocht"!
Da Krammer o'griss'n wia oiweu moant nua':
"I' hob nix, i' hob g'soffa nua!"
Da Huawa dazöh't daun und hot weiter dau':
"I' hob a wunderschöne guate liabe Frau,
hob a Grundstick'l a Groß,
mit an Swimmingpool und an Bod'"!
Da Kraummer wieder: "Hob nix z'locha,
hob nix, i' hob nua g'soffa "!
Noch a poa' Joah' treffan sa se, es gibt a wiederseg'n
und da Kraummer hot an Merzedes an neich'n eb'n.
"Jo do legst' de nieda, wia geht den des?
wia is den des hiatzt leicht g'west'?"
Da Kraummer do gaunz stoiz:" I hob a aundas Leb'n,
gaunz oafoch, i' hob nur olle Bierflasch'ln z'ruck geb'n!"

Hans Pichler Hofedl