Ban Linza Turnaföst

Da Litzlfellna und sein' Wei'
San ban a zöha Joahr schau glei
Nia in da Stodt g'wö'n. guat ,dö Tog
Do bringt da Briafbot z'Hollaschlog
A Zeitung mit und do steht's drin,
Daß d'Linza ham a Föst in Sinn.
Wo nah zua Tausend Turna glei',
Van Auslaund und von Esterrei
Wer'n zuwakemma, gaunz für g'wiß,
Waunn 's Wöda hoibwegs günsti is.
Da Föstplotz is schau herg'richt -steht -
Und waun a Wöda niedageht,
Is eh a Häulla glei nöb'nbei
Für zöhntausend Mesch'n glei.
Und nocha wer'n füt Bier und Wein
An ötla Hütt'n aufg'schlog'n sein.
Und umadum wird's Musi göb'n,
Und häufti' g'nua zan Schau'n danöb'n,
Und mitt'n d'rin tan d'Turna nocha
Vaschied'ne G'spiel und Künst'n mocha.
" Ah des kaun schen wern, sakradi!
Du , Annamirl, roas' mar hi",
So frogt der Litzlfellna glei.
"Halt jo ,vasteht se!" sogt sei Wei',
Za Schnittzeit mögst af Roas'n geh'n
Und d'Arbat losst lieg'n und steh'n!
Und d'Leut dö lost olle dentiern,
DöKnecht mit'n Dirnan uma'schmiern:
Na,Na, dös gibts nöt -du bleibst do!
Du gehst in Linzan goa nöt oh!"
" So iatzt röd ih!" sogt er oft wieda,
D sitzt Di schen nöb'n meina nieda
Und los' auf mi, wos i dia sog:
's Korn bleibt in Mandeln ötla Tog,
Da Woaz is nu nöt zeiti g'nua,
A Wocha woart ma schau nu zua,
Bis das mar schnei'n, nu schau Di aun'!
Du moanst, mir kinnan nöt davau'!
Wei', d' Arbat wern mar schau nu richt'n
Und zwög'n da Deanstleut eahne G'schicht'n,
Do loß Dar koa grab's Haar nöt wochs'n,
Mir hams doh selm dalöbt - dö Fox'n!
Und wos i sog'n will ,Annamirl!
A Kloadl kriagst mit Sammatschnürl
Und scheni Spitz, wia d'Krauma-Lena,
Wos sog i denn- beiweit'n schena!"
" Is's wahr?" frogt's Weibal volla Freid'n,
Aft richt mar uns nar z'samm beizeit'n.
Mir kinnan ah ba Glögnat nocha
InPöstlingberg a Wollfahrt mocha.
Jo ,d Wimmahiaslin z 'Florian
Hot 's ah ban erst'n Buabal tau'!
Na guat, dö zwoa wer'n richti eini
Und mochan nochaAngstalt schleini
Wos ollsaund g'schehgn muas -schaffans au'
Z Mittog in Saumsta -faht'n s' davau'
Und kemman aft als fremde Göst
Auf d'Nocht auf Linz zan Turnaföst.
"Ah das is schen! o mei'. o mei'!
Du z'Rom kauns ah nöt schena sei!"
Sogt d' Litzlfelln'rin: doch ihr Maunn
Schaut hin und hin g'rod d 'Fahnen au'
Und fahrt mit'n Paraplie daweil
An aundan Schauauf g'rod ins Mäul.
Doh hot's nix g'mocht, sö haum sö kennt,
Sö hätt'n sö sunst Nöt "Mäul aff g'nennt.
Drauf is dar Litzfellna glei'
ZumFöstplotz obi mit sein We'.
 Dort wurlt oll's voa lauta Leut
Es is jo boi zan Au'höb'n Zeit;
Drum schau'n dö zwoa, das 's einikemman.
Und wia 's eahn Kart' nehman,
Do frog'n s' halt ba da Kassa aun'
Ob nöt da Zöga dobleib'n kaunn,
Den 's Wei' in arm hot ."Jo weng meina"!
sogt drauf der Herr, "do stöll'n s' n eina!"
Na guat, so geb'n eahna Zöga oh
Und gengan olle zwoa danoh'
Ban Schwiebog'n durchi zu da Häulla,
Dort stehngans oft mit offane Mäula
Und guckan ah ba den Vürhaung eini
" Oh mei, do gibts dar Leut drin - feini!"
Doh wia 's aft selm ah eini wölln,
Do sog' zu eahn a Paar so G'sölln:
"He bitte sehr, a wengal wart'n!
Sö haum -mir scheints - koa Eintrittskoart'n?"
" Da haum mar S!" sogt da Bau' gaunz köck
Und taucht dö zwoa mit' n Oelbog'n wög.
" Dosgibts nöt!" schrei' iatzt dö drauf wieda,
"Lög'n, S'dort'n z'erst zwoa sechsal nieda
Aft kinnans eini - sunst'n nöt!"
Ja ,g'spistie ,g'spasti -goa koa Röd!
I loß mi do nöt Kummadier'n!
Oes moants leicht goa mia föhlt's in Hir'n?
Do schneid's eng, jo des sog i schau,
Ös moants, i scha des G'spiel drin au!
I mog nöt, sog' i,das es wists,
I haun's schau g'seh'gn, wias d'Leut auffspießts:
Guck eini, Alti, schau das' au',
Wia der den z'sammsticht dort vorau' !"
Sei' Wei guckt eini oft und schreit:
"O Jesas na du liabe Zeit!
Za sowos kemman d 'Stodtleut z'saumm -
Do siacht ma das koan Glaub'n nöt haum,"
Drauf pockt s' in Litzfellna schnell
Aois fürchtat s' ihr, wög'n seina Seel
Und geht mi eahm aum Föstplotz nocha
Und dort'n tan s' an Rundgaung mocha
Es g'fallat eahm insamfing wieda,
Vaschied'ne Leut ' geh'n auf und nieda,
Und d'Musi spielt auf olle Seit'n,
Von Pamaränän hert ma läut'n.
Elektrisch is oll'saund beleucht,
Na guat so haspen s' um an Eicht,
Do schreit iatzt d 'Litzlfellnerin
ois wia a g'schröckte Kellnarin
Hellauif und olle Leut schaun S' au'.
" Wos host denn?" frogt s' gaunz g'schröckt ihr Maunn,
" Jo dort vorau da junge Klachl,
Der is mar mit an Födawach'l
In d' Nos'nlöcha einig'fahre'n",
Iatzt is da Bau' erscht fira woarn.
A so a Glupat! schreit a laut
Daweil as oba sogt do haut
Eahm oana Koriandoli hi.'
So iatzt geht's au , du Sakradi!
da Litzlfella spirtzt und pfaust
Und schaut, das schier in Teufi graust,
"Bagasche!" schreit er ,"übaranand!
Ös moants leicht, das Ös mi van Laund
Do fopp'n kinnts, do schneidts eng g'walti,
Mi schaut's in Buckl! Geh mar alti!"
Gaunz harbi geh'n s' in Ausgang zua
So ham von ganz'n Föst schau g'nua
Und ba dar Kassa sog'n s' zan Herrn:
"Mir hätt'n unsern Zöga gern!"
An Zöga woll'n S'? I hob koan da?"
" Wo hätt's 'n denn aft hin darnoch?!
"Sö Herr. dös muas an Irrtum sein!"
" In Hüttl hobts in Zöga drei!
Na Himmelseit'n, des gang ou,'
Dö mecht'n oan glei ausraub'n do'!
Mein Zöga' her! do muas ea sei'!"
"Jo di is ar!" schreit sie drein.
Und so wird's Wöda ollweil gressa,
Da Herr gibt aft in Bau'n an Stessa
Und der net fäul, gibt denn a Watsch'n,
So iatzt'n san s erst in da Patsch'n.
Es kimmt a Wochmaunn zuwa schleini
Und führt dö zwoa auf's Rothaus eini.
Und dort schrein s'wieda " Diab und Rauba!"
Drauf spörn sie s' nocha ein schen sauba.
In Sunnta aft zur Föstzugszeit
Do sitz'n d'Litzlfellnaleut
In Koda d'rinn und san gaunz wild,
Wia d' Musi' üban Hauptplotz spielt.
Doh noch'n FÖstzug kimmt da Deana
Mocht 's Türl auf und sogt za eahna:
"Ös soits mit mir auf d'Wochstub'n kemma,
Dort kinnts oft Engan Zöga nehma
Und hi'geh nocha wo 's Eng g'freut!"
" Na Gott sei daunk in Ewigkeit!"
Seuftzt d'Annamirl selig auf,
Ihr Maunn frogt oft in Deana d'rauf:
" Wer hot denn oft in Zöga g'hot?
Eh der'n übernumma hot.
Na also ,schauts den Lupen au'
Is guat g'wö'n, das i n' g'fotz'nt hau!"
" Das wird si wohl ban G'richt erst weis'n,
Da Richta wird dö tat nöt preis'n.
Ös hobt#s in Zöga - liaba Maunn-
Banoban Eingaung einitan,
Ban untan sad's oft außigaunga,
Wia kinnt's in Zöga dort valaunga?
Do krotz'n olle zwoa in Kopf,
Und säg'n aft nah'n alt'n Zopf,
Jo so wird's g'wön sei', ja,ja.ja.
Na guat ,i bitt' den Kunt'n oh
 Und sollt a do nöt z'fried'n sein'
aft hau ' i eam a zweite ein.'

Zöha = zehn
Estarrei = Österreich
Häulla = Halle
Grab's = Graues Haar
Wurlt = Wimmelt
Fixa = Zornig
insamsing = Bettnahe

Gesammelt Anna Steinkellner

Aufgeschrieben Hans Pichler Hofedl