Aum Laund

In Yschpa woan zwoa Fräul'n
ois Summafrischla do,
de sand den gaunz'n liab'n Tog,
voi Freid den Vichal'n noch.

Mei'n Gott! Is ea net z'vaoarg'n,
weu drinnan in da Stodt,
koa oanzig va de gnädig'n Fräul'n
a so a G'leg'nheit hot.

Do kemmans za an Bau'nhaus
wo's recht viel G'fliegl haum
do schreit grod d'Bäurin:"bi!bi!bi!"
und schreit des G'fiagad z'saum.

Do kemman va olle Seit'n oft
glei d'Hendl und da Hau'
und z'letzt ruckt nu a oite Henn
mit an hauffa Wusal'n aun.

Do wia de Bauxerl'n D'Fräulein seh'gn
mit eane broat'n Hüat
do sands glei g'rennt und d'oite Henn
hot's mit de Flüg'l b'hüat.

Do schaun de Fräul'n va'wundat drei'n
und mochan große Aug'n,
"Ach Elsa, sieh mal!" sogt de oa
"Wie's an der Henne saug'n!"

Hans Pichler Hofedl