A Mittl geg'n d'Huast'n

"Na mei' Gott!" sogt da Schmalzkoch Peda,
" Mia wird frei schon Aungst und baung,
waun de Hurscht'n net boid aufhört,
oft'n leb i nimma laung.

Waunn i nur oamoi wos wissad,
des ma hüft, i zohlad gern,
i hau e schau woas wos au'gwendt,
's will hoit goa net bessa wern!"

"Na, do wissad i jo glei wos,
nimm a Obführpill'n",
sogt sei Freind, da Riap'l Hansl,
"de wern d'Huast'n oft glei still'n!"

"Na", moant drauf da Schmalzkoch Peda,
du kriagst mi so leicht net drau,
des glaub' i da do deant schier goa net,
das oam so wos helf'n kaun!"

" Freili helfans", sogt da Hansl,
" i woas gwiß, das d' nochad schaust,
" weu's da auf de Obführpuifal
sicha nimma z'huast'n traust!"

Hans Pichler Hofedl

Aus Salzburger Nockerl von Otto Pflanzl

Geb 27 Aug.1865 in Urfahr