A Gerechte Verteidigung

Da Hiasl und da Jogl woarn
ban Kira auf'n Taunz
Mi wundert's nur, das olle Zwoa
de' war'n do nu gaunz,
Weu G'raft haum's ollsaund wia net g'scheid,
das d'Fetz'n sand daun g'floge'n,
drum ham's a dö zwoa Kunt'n glei
in's G'richt oft einizog'n.

"Sie haben," frogt da Herr Adjunkt
en Hiasl auf sei G'wiß'n,
"Dem Simon Niederleitinger
den Daumen abgebissen?"

"Ja", sagt drauf da Hias zu eam,
" I laug'ns net, es is wahr,
do geln's, Herr Richta, se wern sehg'n,
das i' net schuldi war.

Was hat denn der um Mitternacht,
i moan, des paßad Koan,
mit sein graußlig'n, schiach'n Finga
in mein Mäul do drinad z'toan?"

Hans Pichler Hofedl Aus Salzburger Nockerl Otto Pflanzl geb.27.Aug. 1865 Urfahr