A Dri Farbige Kotz

A Drifoabige Kotz
hot friaha in jed'n Haus g'hobt ian Plotz
denn se soid Glick bringa ,
fia de Leit do drinnan
und mia hot's va' da Weit'n schau g'seg'n
weu meist'ns is' auf da Hausbank'l g'leg'n.
De hot ea vatrüm den oit'n Leit'
de Laungweu' und de Zeit .
A Drifoabige Kotz hot an jed'n g'foi'n
und a des Glick soit's bringa oil'n .
Mia hot oiweu g'schaut auf a soiche Kotz
und woa auf de recht stoitz dea's g'hobt hot.
Heit is' nimma so wichti fia d'Leit ,
es is' hoit a aundare Zeit,
vileicht geht o' des Lack'l Müch,
des ma nimma hot fia a so a Viech ,
Vorbei is de Hausbaunk auf sein Plotz
und a fia de Drigfabte scheine Kotz .
A' brauch ma's zan Meis'faunga nimma
und mia huckan ban Fernseha drin in Zimmer !

Drifabige Kotz = Drei farbige Katze Weis Rot und Schwarz ober den Augen zwei schwarze Flecken