A Dri Farbige Kotz

Aus Landschaftsgeschichten
Zur Navigation springen Zur Suche springen

A drifoabige Kotz
hot friaha in jed'n Haus g'hobt ian Plotz,
denn se soid Glick bringa
fia de Leit do drinnan,
und mia hot s' va' da Weit'n schau g'seg'n,
weu meist'ns is' am Hausbank'l g'leg'n.
De hot vatrü'm den oit'n Leit'
de Laungweu' und de Zeit.
A drifoabige Kotz hot an jed'n g'foi'n
und a des Glick soit' s' bringa oil'n.
Mia hot oiweu g'schaut auf a soiche Kotz
und woa auf de recht stoitz, dea s' g'hobt hot.
Heit is' nimma so wichti' fia d' Leit,
es is' hoit a aundare Zeit,
vielleicht geht o' des Lack'l Mü'ch,
des ma nimma hot fia a so a Viech,
vorbei is de Hausbaunk auf sein Plotz
und a fia de drifoabige scheine Kotz.
A' brauch ma's zan Meis'faunga nimma
und mia huckan ban Fernsehg'n drin in Zimmer!

Zusatzinfos

  • drifoabige Kotz = dreifärbige Katze (weiß, rot und schwarz, über den Augen zwei schwarze Flecken). Da die Farbinformation auf dem X-Chromosom liegt (entweder "schwarz" oder "rot-weiß"), kann nur eine weibliche Katze, die ja zwei X-Chromosomen hat, weiß rot und schwarz gescheckt sein. Ein Kater, der ja ein X-Chromosom und ein Y-Chromosom (ohne Farbinformation) hat, kann nur entweder schwarz oder rot-weiß sein (mit Ausnahme von seltenen Chromosomen-Defekten).

Quellen

Hans Pichler, Hofedl