Va da Zaug zan Traktor

De Oarma Leit haum g'hobt Zaug mit de Kiah'
owa Ox'n und Ross geht's a nua mit Wüah',
so geht's bis in de fufzg'a, sechzga Joah'n
do is ma mit de Loatawog'n nu g'foah'n.
Do san de erscht'n Traktor G'west
und schau a jeda an 15er boid mecht.
Ollas wiar'd improviesiert',
so hot ma an jed'n Loatawog'n z'tot g'fiert'
und so mauncher woa des Red'n mit de Ross' g'went'
und hot mit sein Traktor daun nua g'ment'.
Owa ba so maunch'n AuniQuaunta,
do schreit a;"Geh umi do du vadaumta"!
Und mit da Zeit muas a des lern'a,
das da Traktor zan schoit'n, lenk'n do wiad' schau wern'a.
Ollas wird daun voll motorisiert,
ba jed'n Kloahäusla wird mit Traktor schau hi'gfiahrt.
Daun heart jeda mit da Wirtschoft auf
und es hear'n mit da Müch und pfeifan auf'n Traktor drauf.
De Traktor san hiatzt in 15 er Steyer Club
und kehrt nimma za de Kloahäusler z'ruck.

Wos se so mauncha findiga hot daun g'richt,
owa des is a aundere G'schicht!

Zaug = Einspann mit Zugtieren
g'went = gewöhnt
g'ment = Angeschafft -- Geschimpft
Auniquaunta = Acker Umkehrplatz
Vadaumta = Fluch Verdammter

Hans Pichler Hofedl