Ruamsetz'n

Ruamsetz'n za Pfingst'n

Ba' de' Bau'n und Kloaheisl'a woa a Krautgoat'n
und waun's trucka woa tans aum Reg'n woat'n ,
owa um de Pfingst'nzeit ,
kimmt a' de Pflaunz'n setz Zeit .
Des Wetta' woa meist'ns triab' ,
des woa fia' de Kraut und Burgunda'pflaunz'n recht liab' ,
se wochs'n daun' gern' au'
wos a so a Reg'nwetta ollas kau'.
Do woa ma za Pfingst'n zeitli' in da Friah' schau aus'n Bett ,
und a' Pfingst'nig'l woa ma a'daun net .
De Burgunda' wiad ois Fuad'a fia de Vicha braucht
und Krautruam' tan's fia de Leit' daun auch ,
g'wosch'n , g'hachelt und g'soitz'n des woa guat ,
do woa a' so a' Ruam' boid foa't ,
des' woa oft a' Freid'
und da Hunga' is a' va'gaunga fia' a' Zeit ,
wo ne't g'mua zan Ess'n do woa'
do woa' so wos' jo eh kloa' .
Vieleicht gibt's bald " Hackrüben am Tablett"
und de' Urlauber sog'n: "diese Rüben die sind gut und nett "!

Ruam = Rüben
Bau'n = Bauern
Krautgoat'n = Krautgarten
trucka = trocken
triab' = trübe
Burgunda' = Rüben wurde gerne
                     von Rinder und Schweine gefressen
Pfingstnig'l = Schimpfname für Spätaufsteher zu Pfingsten