Most in da Kau'l

In Hoi'zschlog gengan's mitanaund,'
de Zimmerleit mit n'Woidbesitzer zaum'.
Da Woidbesitza hot de Jaus'n und in Trunk,
mit an Spritzkruag Most, weu der is' g'sund;
De Zimmerleit sog'n;"Wer wird den des tringa",
da Bau sogt;"Do braucht's eng net Grimma"!

Wias kemma san'd in Woid ,
es woa den Tog a sau-koid.
Dea Most woa schau' g'freat,
da Bau hot se nix g'scheat,
mit'n Hockastüh' hot a des Eis ei'gstess'n,
waun ma wos trinka mecht'n.

De Zimmerleit haum a Fei'l g'mocht,
so hot ma den Most zan tringa brocht.
Den gaunz'n Tog is' fest g'oawat woa'n
und da Most is oiweu weniga woa'n.
Wias auf Spot' a moi de Kau'l probiert,
sogt oana;"Imoa das de Kau'l boid trucka wia'd.
Es is auf d'Nocht da Trunk dau goa',
"Weui's a guat's Möst'l woa'!"


Spritzkruag = Gießkanne 10 -15 Liter
Grimma = Angst haben-- Sorgen machen
Wias = Wie sie
Tog sau koid = den Tag eiskalt
g'freat = gefroren
da Bau = der Bauer
g'scheat = egal
Hockastüh' = Hacken Stiehl
Fei'l = Feuer
Möstl = guter Most

Hans Pichler Hofedl