Kriagszeit und Zaumbruch

Eine Geschichte aus dem Yspertal im Krieg und nach dem Krieg!

In fünfavierzga Joa Da Kriag woa aus,
es woa a Zeit rundum woas a Graus ,
De Russ'n woan im Laund
und oan haum's daschoss'n daun,
es woa a murd's drum Schreck ,
weu es woan si'm Leit va Oid'nmoakt daun weg.
se san noch a poa Tog do wida hoamkemma ,
weu urspringli woit ma ea s'Leb'n nemma .
Es hot se aussa g'stöt das des fa Oitnmoakt neamt woa,
dea den Russ'nleutnant sei Leb'n hot g'mocht goa!
De junga Mentscha haum se vasteckt in Hei,
weis net woin haum a Russ'nbraut daun sei .
A de Hamstera woan mit de Rucksäck untawegs za de Bau'n,
mit Stoff und G'waund und Socha um wos wos zan Ess'n haum.
Es hot ois meas'n in da G'hoama gei,
weu Offiziell hot's net deafa sei.
Oamoi haum de Russ'n an Fleischhocka dawischt
dea in sein Rucksock Messa fia d'Oawat hot g'richt,
den hätn's schau glei daschlogn ,
weu nix Russisch ea kau sog'n .
Owa Oana hot a biss'l Deutsch gredt,
des hot den oama Maun s'Leb'n g'rett.
Woast untan Kriag net ba da Partei,
woa des Wirtschoft'n oft a net schei.
Nägl,Dochziag'l Ois host nix kriagt mit da Koa'tn
hot da Ortsbaunrot wos baut woa nix zan dawoat'n .
Woan so maunche Mauna Russ'n schau ,
sans so maunch'n mit da Tosch'n Uhr davau .
Do haums gschrian:"Uhra,Uhra";
und weg woas ohne Muara!
So hot se a des Yschpatoi dafaungt ,
und warum, weus zaumg'hoit'n haum und fest zuaglaungt!


Mentscha = Mädchen
Russenbraut = Vergewaltigungs Opfer
Hamstera = Städter die Waren Gegen Essbaren tauschten
G'hoama = Im geheimen nicht Öffentlich
Ortsbauernrat = Politisch Geschulte Menschen im 2ten Weltkrieg