Erste Predi

A junga Herr, frisch va da 'Pfaunn,
van Seminar is kemma,
sunst fhlt se nix bei den Kaplan,
nua hot ea a wengal s'Trema.

Er predigt schau in Sunda drauf',
zerscht lest a's Evangöli',
wia d'Haftlmocha paß'n s'auf
de Leut und san gaunz söli'.

Ea' is jo sovü' a rara Herr,
Nudl'sauba und großmächti',
de olte Seff,der feihlt's im G'her,
und sie hert'n deart gaunz prechti'.

Ea' hot a guate Stim' gaunz g'wiß,
der taugt zan Seel'nfaunga;
Da erschte Teu va dera Predi is'
schau guat umi gaunga.

Gaunz guat geht's a in zweit'n Teu'
heit loßt a se net schrecka,
auf oamoi hoit a aus a Weu',
Herrschoft, hiatzt bleubt a stecka!

Ea 'stottert dos, er stottert dos,
's Roß keit hiarzt a sein Reida,
Erb reispart, huasct und putzt se d'Nos
und kau hoit nimma weida.

"Meine liab'n Christ'n", faungt ea aun,
es is eahm net zan locha
de liab'n Christ'n, de woart'n schau
es kimm oba nix mehr nocha.

Mei' God, waunn a nur aufher'n kunt,
den wia da Firmged schwitzt a',
in Pfarra in sein Beichtstuhl drunt
Zimt a, auf Nodel'n sitzt a'.

In Kopf olls draht se umadum,
ois gang de Wö't in Trimma;
und wos eahm o' geht des Trum
va da Predi findt a nimma.

Da Pfarra deit:Geh oba glei,
daun bist den Jaumma ledi'!
Er tuats und rennt in d'Sakristei
und nimmt sei g'schieb'ne Predi'.

Gaunz aufgregt suacht a hiatzt de Stöll,
Wo'ns s'Unglück heut ereilt hot,
daun schreit a laut:Vaflixta Gsöll--
das"Amen" nur mehr gfeuhlt hot!

Hans Pichler Hofedl

Ea' sottert des, er