Earl stecha

A so a Diand'l mit via, fünf Joah',
schaut wos do glitzert unta da Miaz'l ihre Hoa',
des Diand'l pitz'lt und reat,
weu ihr nu koa Ohrring'l g'heat.
So gengan's daun zan Uhrmocha hoit,
weu de Oma g'sogt hot, das es zoit,
de Frau Uhrmocherin schaut se de Ohrwasch'l au',
do hot des Diand'l a weng a Aungst daun schau'.
Es kimmt daun ,mit wos wiad's g'mocht,
mit Ohrstecha, Nod'l oda mit ana Oih'n hoit g'rod.
Desinfiziert mit Schnops, hoas'n Wossa oda Flaumme,
den Diand'l is hiatzt gaunz Baunge.
Bis des Eahrl stecha daun is' um,
koane Ohrring'l, des woa ia' jo z'dumm,
Bis zan next'n Kiarta' wiad ia' va'sprocha,
daun da'm'a de Ohrring'l eini mocha,
hiatzt hoast's aufpass'n, das net Schwiarat wia'd,
dass jo koa Entzündung in Oa'wasch'l kriagt.
Wo sand de Zeit'n wo Ohrring'l a Mädchenwunsch woa',
hiatzt is da Wunsch a Handy und s'Ohrring'lstecha des is' goa'!

Eahr'l = Ohr
Diand'l = Mädchen
Hoa' = Haare
Pitzelt = Jähzornig
g'heat = gehört
hoit = halt dennoch
Zoi t = Zahlt
G'mocht = Gemacht
Oih'n = Ahle
Baunge = Bange
z'dumm = zu dumm
Kiarta = Kirchtag
Ohrring'l einimocha = Ohrringe einhängen
Schwiarat = Entzündung
goa = zu Ende