Daunkschei'

Danke soit ma oiweu sog'n ,
in oi'n Lebenslog'n .
Danke is' a schein's Wort ,
sog'n soit mas oiweu foat und foat .

Danke is' net laun'g ,
aussa mia sogt : "An schein Daunk" .
Danke mocht an Jed'n a Freid'
und hot ma a nu so wenig Zeit .

Danke hea't a gern da Dicke ,
des is' a moi gaunz richti' ,
owa a da Dini hot des gern ,
kimmt a aus da Noh' oda a aus da Fern' .

Danke mog a da Launge ,
der hot driwa keine Baunge
und a den Kurz'n mocht des nix ,
des steht auf jed'n Foi'sicha fix .

Schaust mit daunkbore Aug'n in Kindawog'n ,
tan des de Baby a recht guat vatrog'n .
se schaun de mit große Aug'n au' ,
do hängt a da Daunk schau drau' .

Danke mog a jedes Kind a,
waun's a oft nu so vazog'n wa'.
A da Tennager tuat Daunk gean hea'n ,
nua is a mit de Gedaunka' oft gaunz fern .

Danke g'freit a Dirnd'l oda Buam ,
aussa ea is' a rechta Suam .
Tuat oana in Leb'n recht vü wea'n ,
so tuat a Danke a recht gern hea'n .

Und a da kraunke Greiß ,
hot Danke gern auf sei' weis' .
Fias Danke sog'n ba Groß und Kloa' ,
foit aus'n Herz koa Stoa' .

Danke kimmt ba Frau und Mau'
und olle Leit guat au' ,
Danke,Danke sog i' za dia ,
owa bitte bitte va'giß hoit nia' !