Coronavirus

Van Coronavirus hot do' koana glaubt,
das dea ba uns amoi ois Zaumhaut .
In China hot des ois aug'faungt
mia haum se denkt Gott sei Daunk !
A wia noch Österreich kema san de Zwoa
hot ma se denkt au'gsteckt san e a glei a Poa .
Schnö is gaunga nocha daun ,
ban Apreski kemman daun vü Leit zaum .
So is woan Ende Februar
wo vü in Ischgl Schifoan woan .
Oa Lokal wiad do daun g'sperrt ,
so hot ma va Ischgl g'heat .
In China woas a gaunze Stodt
und in Norditalien woas de große Not .
ba uns do tritt de Regierung zaum ,
weus in Tiroi schau muats Probleme haum .
Noch an einstimmig'n Regierungsbeschluß
a Kontaktverbot in unsan Laund kemma muß .
Mit dem ausnaumslos'n Kontaktverbot
do steht Parlament und Regierung einstimmig grod .

Olle Veraunstoitungan üwa fünf Leit is net erlaubt
fia Olle waun a aun de Coronapandemie net glaubt .
Hotel, Schilift,Cafe und Wirtsheisa haum zua ,
owa zan Ess'n und Klopapier gibt's g'mua .
So Mauncha propierts mit da Hamsterei ,
nua zan Gödmocha sans net kemma des woa schei .
Oan Meta Obstaund muas üwaroi do sei
und ob 16 .März gibt's koa Schuigei ,
koa Mess und Kirchlichen Feier
und trotzdem kimmt da Frühling und a Ostern wird's Heier.
Besser ois mit Stress und renna ,
wos ma jo eh nimma kenna ,
mit Besinnung kau's nua bessa wer'n ,des is kloa ,
weus voahea eh nimma des richtige Leb'n woa .