Wos mi' kreut

CO2 zwoa' muass weniga' wea'n,
sog'n so maunche g'scheite Herr'n.
Dafia' fiag't ma 'in Wei' um de hoi'we Wö't,
weu' es muass jo foa't sei' des Gö'd,
unsa' Wei' aus da Wachau, dea' is jo z'schlecht,
des is hoi't goa' net recht.
Unsa'ne Kiah' mochan z'vü' CO2 zwoa',
d'rum brauch' ma des Steak aus Argentinien goa.
Ba uns hau'm ma murds Umwö'tschäd'n,
in de Wö'da' san' de Bam' umadum g'leg'n.
De Hoi'zobfuah' hot se ba uns dahi'zaht,
und hunda't Hoi'zzig' san' auf da B36 g'foan, des woa' fad.
Ob August hot d' Hoi'zindustrie g'sogt: "Hiatzt is' Schluss,
des guate Hoi'z wird nimma g'wert; Braunbloch sein muss"!
Für 'n Meta wiad nua' meah' 10 € 'zoih't, und des is' fad,
do kriagst d' fia' oa' Bloch 1€ und koan' Schockalad'.
G'red't wia'd oi'weu' nua' va' CO2 zwoa' in Laund,
wauns d' an Sch.as mogst, iwa'prüfan s' da' boi'd dei' G'waund.
Mia hau'm üwaroi' a Gesetz,
des is' iwa'haupt koa' Hetz.
Oi's fiah' ma ei' va' da gaunz'n Wö't,
dass foa'tgeht unsa' schwa' va'dient's Gö'd.
Ba uns do dea'f boi'd nix meah' sei',
waun's va' da weit hea' kimmt, daun is' schei'!

Quellen

Hans Pichler, Hofedl