St Michael und die Hasen

De Hos'n von St. Mich'l,
de sitz'n auf dem Doch
und seufz'n in da' Geista'stund'
so maunch'n Weh und Och!
Ah, wa' de Wö't do wunda'schei'
mit den grean' Gros!
Mia schmaust'n Klee, Kraut und Kohl
und hau'm a guat's Geloß'.
Wir sprangen munta' hi' und hea'
va' Joching bis noch Spitz,
und in den kühlen Mosingwoi'd,
do quält uns koa' Hitz'.
Do kimmt da bese Winta' hea'
mit Sturm und Eis und Schnee,
uns froist, uns hungat'n
und klog'n laut: O weh, o weh!
Da' Schnee, dea' liegt boi'd heisahoch,
fü't olle Schlucht'n aus:
Do rennan mia da' Doana' zua,
zu endigen den Graus.
Denn wia da Schnee za'gaungan woa',
do sitz'n - meina' Seel' -
mia sieb'n oi'te Häselein
auf'n First va' St. Michael.
Mia hau'm des kletta'n nit da'lernt,
d'rum woa' so groß de Not:
wir konnten nicht des Doch hinob,
herauf, do kimmt der Tod.
Und höhnisch grinst da' Knochenmau',
des woa' schau' aus da Weis',
und hoi't koa' Hos' laung aus:
zwoa Löffe'n und koa' Speis'!
So sitz'n auf dem Dache wir
schon manch ein Hundert Jahr
und sitzen wohl noch launge Zeit,
weil wir versteinert gar.
Wir fühlen unser Leiden nicht
wohl dreiundzwanzig Stund';
nur wenn die Geister aufersteh'n
daun klaget unser Mund":
De Hos'n von St Michael,
de sitzen auf dem Doch,
de meiste Zeit vaschlofan se,
aum Mitternocht san' s' daun woch!

Zusatzinfos

Es handelt sich um die Wehrkirche St. Michael in der Wachau (Gemeinde Weißenkirchen), wobei die 7 Terrakotta-Figuren am Dach eigentlich Hirsche und Pferde darstellen, keine Hasen, siehe sagen.at und Photo auf Wiki Commons.

Quellen

Hans Pichler, Hofedl