S'wiesnrama

In de 60zga Johr, waun ma Firstbam'
im Winta auf D'wiesn aussi umgschnitt'n haum
im Auswärts beim Rama de Astln und des Reisa
auf an Haufa zam g'schmissn woa'n a.
Des Lab am Woidrand is a glei auf den Haufa kema
und daun is aubrennt woarn des Gnißt,
so is a kleana woan da Hauffa Mist.
Mir hom scho oiweu g'schaut auf des Fei'
das net weira greifat kunt sei.

De Scherhaufan hauma a glei z'recht
und de kloan Stoa schmeiß ma in Woid einig'recht.
Wia olles z'sambrennt woar, eben
is a recht vü Oschn auf den Brennfleck g'legn.
Mei Vota hot des in a poar Tog drauf
mit da Runsnhou' umgrob'm
und danoch hot er donn an Gurknsaum hi'trog'n,
weil ers so gern g'hobt hot,
Durch den Oschn san do wunderschene Plumpas daun woan.

Zusatzinfo

Quellen Johanna Hinterndorfer