Runs'nkehr'n
Wossa' woa' hoi't friaha' recht vü' wert,
waun zwoa Bau'n des Wossa' g'hea't.
Koa' Runs'n woa' va'rohrt,
es woa' hoi't a Bacha'l doa't,
des va'gnügt dahi' is' g'runa',
mia hat 's direkt a wenig g'heat summa'.
Des Wossa' hot ma se' 'teu't
mit de Nochba's-Leit.
So is' aum Freitog da oane gaunga
mit da' Hau', und keah't se' 's Wossa' dauna,
und aum Ear'a' hot se' des Wossa' da aundare g'hoi't,
dass in d' Auskeah' za eahm hi' foi't.
A jeda' hot sei' Runs'n mit de Auskehr'n g'hobt
und hot sei' Wies'nwossa' g'hobt.
Es hot ei'g'hoit'n a jeda' genau sei' Zeit -
is' oana' friaha' kehr'n g'gaunga', hot da aund're an Neid.
So san' de Wies'n g'wassa't woa'n,
weu' Mistsupp'n und Mist hot 's auf d' Wies'n geb'n koan.
Es is' a nix aufg'saat woa'n,
do hot 's g'hoaß'n: spoa'n.
Owa wia de erscht'n Motormäha' hau'm g'maht,
do woa' 's mit de Auskehr'n goa', weu' des' Mah'n woa' fad!
Zusatzinfos
- Runs'n = Rinnsal, kleiner Bach
- varoaht = verrohrt (Wasserlauf in Rohre verlegt)
- Bacha'l = kleiner Bach
- Hau' = Haue
- Ear'a' (Ertag) = Dienstag; von griech. "Ares" = lat. "Mars" (davon franz. "Mardi", ital. "Martedì") = german. "Tyr" / "Tiu" / "Ziu" (davon dt. "Dienstag", engl. "Tuesday")
- Auskeah' (Auskehre) = Ableitungsvorrichtung eines mittels kleinen Wehrs gestauten Baches zum Bewässern von Wiesen
- Mistsupp'n = Jauche
Das Mähen mit dem Motormäher ist bei Auskehren nicht gut möglich gewesen!
Quellen
Hans Pichler, Hofedl