Quelltext der Seite Ox'nhaund'la

<Poem>
Van Ox'nhaundla haum s' dazöh't,
dea wos g'hobt des meiste Gö'd,
ea is' in Yschpa in da Kiacha g'sess'n,
aum Bau'n-Offatorium, do is' g'wes'n,
do hot a unta da Mess' g'schrü'm in sein Huat,
weu' a wieda Ox'nhaund'ln geih' tuat.
Do hot oana üwa d' Schneid g'schaut
und hot sein Aug'nan net 'traut.
Es is' do g'staund'n, wia oi's wiad,
wo sei' Haund'l iwaroi' hi' fia't.
Noch da Kia'cha red't a' den Ox'nhaundla au',
owa oan zan Treu'm braucha kau'.
Da Ox'nhaund'la hot g'sogt:
"Kau'st schau' mitgeih', waunst' as va'trogst,
um zwoa in da Friah, do gemma fua't,
dass ma weit ins Gebirg' einikemma tuat!"
Den zweit'n Tog san s' aufi gaunga auf de Oim',
wo s' woan, de Ox'n und de Koi'm.
Se haum se o'gred mit de Bau'n
und haum daun bis zwö'f Ox'n g'kaft zaum'.
Daun san se' g'roast Richtung Yschpatoi de zwoa',
und meist'ns hot a a poa Ox'n va'haund'lt daun goa',
'In Rest haum s' bis ins Yschpatoi trü'm,
und meist'ns is' oa' Ox fia eam söwa üwa'blü'm,
Weu' uma'sunst hot a's jo eh net tau',
und do muasst da hoit z' haund'ln trau'!
</Poem>

== Zusatzinfos ==
* Ox'nhaundla = Ochsenhändler
* Gö'd = Geld
* Bau'n-Offatorium = Bauern-Kirchenraum
* g'schrü'm = geschrieben
* geih' = gehen
* treum = treiben
* kau' = kann
* Friah' = Frühe
* Gebirg' = Gebirge
* o'gredt = zusammengesprochen

== Quellen ==
Hans Pichler, Hofedl

[[Kategorie:Mundartgedicht Südliches Waldviertel]][[Kategorie:Ysper-Weitenbachtalung]][[Kategorie:Hausrind]]